繼續期待【藍奕邦】的作品……….

四月 15, 2013

近日小瑟聽到903成日播呢首歌….呢首歌<<許廷鏗 – 青春頌>>, 小瑟第一時間諗, 呢條靚仔都幾好運, 次次交到佢手上既歌都咁正………做娛樂圈就係咁, 係睇運氣的, 有才華, 冇樣, 唔得, 有樣冇才華….冇問題, 都得. 小瑟唔係話廷鏗冇才華, 佢唱歌都好正, 係近年難得有實力上而又靚仔的一個, 再細看之後, 原來呢首歌既曲詞原來都係出自【藍奕邦】一手包辦的, 呢一刻, 小瑟即時就想記之後介紹比大家既一首歌…..《為執著乾杯》, 大家如先聽聽先丫!!!!

藍奕邦 Pong Nan《為執著乾杯》官方MV

小瑟的FACEBOOK一路都有留意一下香港AV界人物既文章, 咁岩係國仁既FB內, 睇到轉左一則巴斯大人的文章, 主題係<<終於有人出句聲>>, 小瑟睇完之後, 即時就想起藍奕邦, 小瑟唔介意聽番唱歌, 更加唔識點先可以界定為發燒碟, 小瑟呢刻只係諗到, 香港其實仲有好多有才華既音樂人, 欠既只係運, 小瑟第一時間諗起, 就係PONG PONG, 由佢之前同華仔作好多歌之後, 都叫做有留意下佢, 之後佢再出<<晚晚禮拜六>>, 都有聽下的, 明顯係想轉型像, 不過小瑟當時就未算好入心, 好鐘意……..但去到岩岩樓上介紹果首《為執著乾杯》, 到……..真係覺得好到, 曲詞都超級正, 佢呢首歌已經係小瑟手機的LIST內, KEEP住一定會聽的歌曲, 睇完巴斯篇文之後, 更加想去買隻藍奕折既新碟, 以示支持………..

點知, 原來由12月到依家, 呢首《為執著乾杯》都從未出過CD, 呢個時候, 又想起早排話如果D歌手唔好賣, 就唔會有大碟出呢個問題……..

小瑟唔知之前藍奕邦既歌岩唔岩我聽, 不過自從聽左《為執著乾杯》, 及佢為許廷鏗寫既<<青春頌>>之後, 小瑟覺得呢個曲風好岩我個人口味, 希望PONG PONG會KEEP住做, 那怕你只出到二首歌的EP, 唔需要出發燒碟, 小瑟就算買隻EP返去只係轉落CAS聽, 小瑟都會好希望藍奕折可以繼續創作, 繼續出碟, 繼續比到香港原創歌我地香港人聽的廣東歌.

睇返香港既市場, 如果真係只有番唱HIFI碟先有市場, 先可以養到歌手, 實在太悲壯了, 小瑟心願最想既係香港有實力創作或唱得既朋友, 可以出到一D錄音水準不俗(唔洗一定叫"發燒級"的碟)又好聽既歌比我地聽, 咁就已經係對香港, 對樂迷既最好貢獻呢, 小瑟好唔想10年之後, 我地仲係只可以聽<<似水流年>>, <<小玩意>>一D屬於80尾90年代既廣東歌呢.

許廷鏗 – 青春頌

藍奕邦《一起去阿拉斯加》官方MV

藍奕邦的官方FACEBOOK
https://www.facebook.com/PongNanOfficial

【科林進階玩家 alexyim 的真心分享】-  2013 年聽到很感動的歌 – <<
http://www.post76.com/x2/forum.php?mod=viewthread&tid=146163&fromuid=4

>

歡迎進入我們的影音玩樂討論區發表意見.
http://www.post76.com/x2/forum.php?mod=viewthread&tid=154660&fromuid=4

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***

分享文章網址: https://goo.gl/5vu4y0