【張學友 1/2 世紀演唱會】歷史性的一刻 ● 歷史性的專訪 (預告)

七月 20, 2013

今晚,是【張學友 1/2 世紀演唱會】正式發售的第一天,而今天,亦是 Post76 的歷史性的一天,因為我們終於可以同學友這位超天皇巨星做一個真真正正的獨家專訪,而未見學友真人之前,小瑟非常緊張,因為學友的輝煌戰績絕對唔係講笑的,1995 年佢既年唱片銷量曾經試過名列全球第二位,僅排在 MJ 之後,2000 年佢仲入左環球唱片美國總公司 1990 年代巨星名人堂。一位絕對達到世界級水準既藝術家,天皇級歌手,小瑟想必鏡頭後既佢,一定係非常嚴肅,非常正經,但當小瑟見到學友真人之後,係未開機既時間大家互相介紹時,學友既態度原來絕對係同鏡頭前既佢一樣,講野絕對冇帶人遊花園,超級健談,又絕無任何明星架子,我地預備既多條問題,佢竟然唔會事前先睇一次,一埋位,佢只係話 “冇問題呀,問啦,我咩都答得架,哈哈",呢一刻,小瑟由超緊張,變成超興奮,小瑟眼前既學友真係一個百份百既真正大明星,大歌手,佢仲要真係堅唱得,真正既香港實力派歌手,呢一刻小瑟真的比學友的真人迷倒了!!!

所以就算今晚返到來有千百樣東西要做,但我都好希望可以將呢個興奮同滿足既心情可以同大家分享呢!!! 以下就係今晚訪問既預告,專訪足本承諾大家下星期就會送上比大家,希望大家可以加多二錢肉緊支持學友同支持正版音樂呀。(因為訪問中真係睇得出學友對佢自己既出品要求極高,同埋佢好開心我地Post76既所有版友仔都絕對支持正版文化呢。)

PhotoGrid_1374253082437 (1)

好勒,小瑟真係好眼訓勒,聽埋首 “月巴女且" 就真係要去訓勒,聽日仲要湊女返學同做野呢!!!^^"

_MG_6232
>

有你既支持,就係我地最好既推動力,齊齊參與
FUNPost76.com

<

歡迎進入我地論壇對本文章發表您的回覆啦^^"
http://www.post76.com/x2/forum.php?mod=viewthread&tid=163936

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***

分享文章網址: https://goo.gl/Jh5evf