「BB」終於出世 : 石詠莉 10 蚊請鄧健泓拍 MV

七月 1, 2015

石詠莉 (Sukie)首次推出Hi-Fi碟《聽聽 Sukie’s》已於日前推出,今次新碟由Sukie、其男友鄧健泓(Patrick)的Pat’s trick & co製作室和兩位音樂人朋友共同投資,由於Sukie一直希望擁有一張由自己由頭帶到尾、參與創作及賣實力的大碟,所以今次她親力親為為己圓夢,除參與創作外,又打友情牌請來同門大師兄張智霖、蔣志光、孫耀威、張崇基和阮小儀五位圈中友好寫序;至於碟內收錄的十首歌俱重新編曲,包括翻唱伊健的《一生愛你一個》、許志安的《爛泥》和夏韶聲的《結他低泣時》等。日前Sukie由Patrick的production house及AP studio協力下拍攝杜德偉原唱的《如泣如訴》MV。全mv以黑白拍攝,講述Sukie疑男友出軌,心神恍惚下捅對方一刀,而mv中的男友先後有手、背、肩、黑影出鏡,原來這位斬件出場被做瓜的神秘男士,正是友情客串的Patrick,兩人有攬有抱,含蓄煙韌。

DPP_6447

提起Patrick做mv男角,Sukie笑說:「mv中有個比較親暱嘅動作,我特別請咗一個我好信用嘅臨時演員,用咗十蚊,真係好抵,都要象徵式收錢,因為呢個係『老毛』。」Patrick對於自己沒有正面上鏡則說:「mv主角係Sukie,同埋我哋要個背脊,冇理由特登請個臨時演員,自己做埋慳番兩舊。拍攝當日,Sukie在上環街頭取景,但現場太多蚊,一眾台前幕後都慘成餵蚊對象,不過Sukie很喜歡這個mv,再多蚊爛都值回票價,「成個mv最特別係我參與創作部分,比如我會建議兇器用牛肉刀、士巴拿,雖然最後佢哋都ban咗,哈哈,但成件事係大家都拎idea,合作得好開心。同埋我呢次出唱片嘅心情係非常非常非常之興奮,呢個大碟BB籌備咗一年終於都出世,希望大家鍾意我哋呢份心血。」據悉Sukie大碟推出三天已有部分地區賣斷市,以Hi-Fi碟而言銷情甚佳。

DPP_6448

分享文章網址: https://goo.gl/bAaDBa