【活動報導】《愛。情歌 音樂會 2015》+《風。情歌》分享會

七月 14, 2015

上年一隻《愛。情歌》專輯令泳兒正式成為Hi-Fi界靚聲新寵, 2014年又伙拍我們合作【愛泳兒●LOVE FEVER音樂會】另人氣再上一層. 之後去到2015年情人節更加舉辦了一場《愛。情歌 音樂會 2015》同大家共度一個勁 Sweet 的情人節, 可以講過係絕對豐收的二年呢.

IVS_3102

而過去一直帶給樂迷清純、清新感覺的 Vincy 最近新作《風。情歌》在六月正式面世, 而面世的第一天就跟我們一同舉辦《愛。情歌 音樂會 2015》+《風。情歌》分享會, 此專輯翻唱了多首八、九十年代經典的愛情金曲,當中最為誘人的一定要數《擋不住的風情》。而新專輯中的 DVD 更收錄了此曲的 MV 版本,當日活動除了聽新歌之外, 就是率先欣賞《愛。情歌 音樂會 2015》藍光版本的率先睇, 以下就同大家分享一下當日盛況啦.

不如我地先來睇返當晚的精彩片刻先啦.(足本大家可以睇本文最底的分享的)

DPP_5772

傳媒採訪時段

活動當日除了是 Vincy 與我們版友的分享會外,更是新專輯 《風。情歌》的發佈第一天, 所以大批傳媒都爭相與 Vincy 大談新專輯的製作點滴和最新近況。

DPP_5773    DPP_5555

IVS_2779

DPP_5592

一輪馬不停蹄的專訪,Vincy 終於可以連同今次專輯的音響監控 德哥(Hi-Fi 德),與手上兩張心血結晶來個"大合照" 啦。

DPP_5588

而我地既攝影師哥哥亦都終於可以好好地同 Vincy 影返張靚靚相呢.

IVS_2829    IVS_2835

DPP_5576

活動等候區的會員們

而場外等候區, 當 Vincy 正忙於接受傳媒採訪之際,歌迷、版友其實已經開始排定隊,準備搵個最有利位置與靚聲 Vincy 一同分享推出這張新專輯的喜悅。

IVS_2890

DPP_5600    DPP_5596

IVS_3002

KEF全新示範廳 x 新Blade II

要聽 Vincy 的靚聲碟,當然要出動到 KEF 所有旗艦級播放器才啦。而器材在云云器材中,就以一對 KEF Blade II 最為令在場的歌迷期待。未知其驚喜會否更勝上代呢? 大家拭目以待啦。

DPP_6043

DPP_6042    DPP_5779

DPP_6041

活動正式開始

久等多時,當日活動的主角 Vincy 、德哥終於在歌迷熱烈的掌聲中進場啦, 而第一節小瑟就同大家二位先傾下情人節的音樂會呢.

IVS_2966

DPP_5611    DPP_5615

第一節《愛情歌●泳兒音樂會》

小瑟先來問問 Vincy 成為人人認同的靚聲歌手之後, 心情上有什麼不同, 而情人節的音樂會又經歷了什麼難忘點滴,Vincy當然非常之高興大家對他的認同啦, 而佢會繼續努力唱多D好歌比大家聽的呢. 至於音樂會中, 最記憶猶新的必定要數她在音樂會開 Show 前一週仍然是處於失聲的狀態,所以身心都倍感到極大的壓力。慶幸 Vincy 在開 Show 前幾日得到了德哥的指導,及時學懂利用 Ear Mon 監聽自己的聲線,令聲線勞損減低,成功在開 Show 前開返把聲,回想起來都相當神奇兼驚險。

DPP_5663

IVS_2957

IVS_2960

IVS_2980

而德哥亦表示此音樂會不論在新碟錄音上、音樂會的拍攝上都有全新的挑戰。例如今次音樂會地點 (演藝學院) 的場地都較上次我們舉辦的會展都較大,而現場聲軌也採用高清音樂格式 24 /96 作現場收音,所以要整合整個發燒級聲、畫組合其實是一次很富挑戰性的嘗試,歌迷一定要細心欣賞每個細節的用心啦。

DPP_5680

DPP_5665

而當晚我地仲即場同大家欣賞了音樂會藍光版(當時藍光音樂會還未推出) 的三首歌曲, 第一首為軒仔的《青春常駐》, 而第二首就係 Vincy 同 側田合唱的《感應》, 而最後一首就係Vincy 新大碟的主力歌《擋不住的風情》, 大家睇完之後無不讚嘆呢隻藍光將來一定會成為又一試聲試畫的必選項目之一呢, 而當中《感應》一曲大家可以聽到二把靚聲合奏出一幅完美的畫面, 實在非常精彩.

DPP_5686

IVS_2949

全新靚聲碟《風●情歌》

Vincy 今次新專輯《風。情歌》的焦點所在是碟中收錄了十首過去三十年的多首人氣經典情歌。而每首經典歌都經重新編曲,加上唱片監制 Jay Jim 和音響監控 德哥做顧問,再創靚聲新經典其實已有一定的保證。值得一讚再讚的是,德哥為令此碟更勝前作,特意自資從美國訂制了一部麥克風前置放大器到錄音室內使用,效果是如何粉絲一定最心水清。

IVS_2942

新碟加入流行曲原素

係分享會中, 小瑟同德哥討論今次風情歌的曲風時, 德哥直言今次希望可以做出一張同上次愛情歌未有的感覺, 所以今次除了選曲跳脫一點之外, 仲專登係編曲加入了不少流行曲的原素, 以往好多音樂發燒友都一聽到發燒碟就一定係以好少樂器, 好靜態的調子行先, 但其實絕大部的樂迷都是喜歡聽流行曲原素的, 所以今次在某幾首歌曲的編曲部份都加多少許樂器, 讓音樂部份更為豐富, 希望讓一眾樂迷都可以將此碟當作流行曲般欣賞, 令更多樂迷可以享受到做"音樂應該是要靚聲"這個斑念推展開去呢.

IVS_3013

為了力求從翻唱歌中帶出新鮮感,Vincy 曾不惜犧牲許多私人時間,全程參與所有幕後的編曲討論和製作。而反覆細聽碟中多首精選經典,以創作出不同以往風貌的「經典新歌」都是幕後團隊為此專輯所花下的苦功。此外,Vincy 也需要在形象、舞蹈 (MV 部分) 上刻意下功夫,以演繹出歌詞的神髓,將性感的一面融入到歌曲之中。

IVS_2954

最後,Vincy 亦分享了今次為專輯封套遠赴臺灣拍攝的幕後點滴。過程中最令 Vincy 深刻的是經歷了一整天的拍攝工作後,她的白淨的膊頭已經曬成了古銅色,整個太陽印都哂了出來,在場男歌迷聽到真係登Vincy 辛苦呢。

DPP_5683

DPP_5669

《風●情歌》曲目試聽了三首

而新大碟中, 我地就找來了第一首曲目《Hello》, 呢首歌好得意, 一開始既電話聲小瑟第一次聽仲真係以為有電話響, 週圍搵電話, 好攪笑. 而場中的師兄就對 Vincy 選來呢首 Hello 驚喜萬分, 好多仲話返到屋企都依然對分享會中的播呢首歌印象好深, 音質之傳神能讓整個KEF SHOWROOM都添加了一陣陣涼風感覺. 而 Vincy 亦話自己對唱英文歌都滿有信心的, 因為小時候在新加坡讀書, 所以對國語及英語歌詞都算幾有心得呢.

IVS_2985

IVS_2957

之後我地就同大家分享多二首歌, 分別係《對你愛不完》及小瑟很喜歡的《絕》,  先講講《對你愛不完》, 一首跳舞快歌, 可以將拍子改成一個中快板調子, 而由 Vincy 唱出來又多了一份嬌柔感, 而歌曲中間部份的低音結他部份令到整首歌懷住一份神秘感, 非常討好呢. 而去到最後一首《絕》, 小瑟其實早在原唱者(傅佩嘉)的版本時已經非常鐘意呢首歌, 今次在 Vincy 的演繹下, 少了一份怨味, 但就反而多少一絲絲的昐望感覺, 呢個唔係歌詞中出來的, 是 Vincy 唱出的感覺, 不過音樂既野, 非常個人, 小瑟覺得係咁時大家都未必認同, 但無論如何, 呢個版本小瑟會經常拿來聽聽的!

DPP_5686

小瑟都唔記得講左D咩, 點解Vincy會笑得咁開心呢!?XDDDDD

IVS_3017

大家最期待的簽名會

時間過得非常之快, 話咁快三首音樂會, 三首新碟的新歌亦都同大家分享完, 而緊隨而來的當然就是泳兒粉絲們最緊張的時刻, 可偶像簽名及合照的時間啦。

IVS_2922

大家係咪等左好耐想取回當日同 Vincy 的靚靚合照呢?? 大家只需要登入科林之後再 PM 小瑟 ,小瑟會比 LINK 大家下載合照的原檔啦!

vincy合照

想得Vincy 親簽海報嗎?

另外 Vincy 當日都同我地親簽了10多張新碟的海報, 如果大家都希望得到一張的話, 請留意我地 76-FriendClub 的公布勒, 如果未係 76-FriendClub 的會員咁點??? 唔洗我教勒下馬?? 你懂的!!!!XD

IVS_3077    DPP_5737

小瑟個好喜歡呢個笑得咁真的Vincy, 唔知又有冇版友同我一樣, 覺得呢個 Vincy 真係好可愛既呢????^^"

IVS_3110

結語:

事隔一年, 又有機會同 Vincy 合作舉辦分享會, 今年再次同英皇娛樂合作默契就必定更好了, 而且大家都熟了很多, 少了第一次合作時的隔膜, 又最難得的是今次同 Vincy 合作似係朋友多於工作的感覺, 而德哥更加唔洗講, 同小瑟分享左好多今隻大碟的一些難忘及一些難關如果破解, 另小瑟可以知道其實一隻碟的成功, 每個位置都佔一個重要的席位, 而今次 Vincy 第二次的靚聲 Hi-Fi 大碟《風。情歌》難得的是歌路加形象的破格新嘗試,作為她的粉絲歌迷點當然一定會支持, 而一眾較後生的朋友(包裝小瑟啦XD) 亦可以好好欣賞一下音樂人在珠玉在前的情況下, 點樣突破出一個全新的感覺, 呢個都係一個唔易做好的事情呢. 而小瑟在台下中得知好快Vincy 就會再有新消息, 如果一直對 Vincy 支持的朋友今次有福了, 因為今次……..屎火, 未講得, 不過大家可以放心, 年尾前一定有消息的, 總之依家 Vincy 的作品就是靚人靚聲的代表, 我地一眾鍾意聽歌的朋友, 唔洗再捱爛聲CD已經有一點點的快慰呢.

IVS_3122

如果大家係 Vincy Fans, 呢個足本分享會又點可以錯過呀??

分享文章網址: https://goo.gl/4AGi5Q