【唱片碟評】終於等到勒 – 《農夫》你而家無 但係將來會有(上)

十一月 1, 2015

由佢地第一首派台作品《全新派台作品》其實小瑟已經好喜歡, 直至第二首派台《好彩分手》, 已經即係痕到不得之了, 周圍睇下隻碟出左未, 果時我仲記得係8月咁上下, 點知話隻碟要成年尾先出, 心諗真係陰公, 依家樂壇 PLUG左D歌出黎要等成幾個月至半年先會出碟, 什至有D直頭連碟都唔會再出, 講來講去, 又係已經冇人買碟, 大家去哂聽串流, APPLE, 但我地呢D死老野, 始終都放唔低想收藏一個最好音質既版本(雖然CD都唔係最好架勒, 不過係可以買到既"最好"版本囉~_~), 所以一直等等等….終於都收到風佢地呢隻碟終於都出左, 但搵好多多地方都好似唔多見有, 今日有D時間, 就去左黃埔行左一陣街, 諗住岩勒, 終於有時間可以去睇下碟, 就利去大眾書局, 點知搵左好耐都唔見有新碟, 淨係賣來賣去都係HIFI碟, SACD, 靚聲碟之類….就係冇《農夫》, 最後去埋HMV, 好彩, 終於係二格放CD的位置上, 搵到呢隻《農夫》新碟, 但隻碟搖搖下有聲既? 問個HMV妹妹有冇隻新碟, 佢話睇睇先…. 點知佢話成間鋪得一隻, 我話 “隻碟好似爛爛地, 今面會唔會花左呢?", 佢就話開比我睇睇先, 我一睇又冇事喎….佢話同我換個盒, 咁OK啦, 冇問題我就話行多陣睇下仲有咩先啦, 因為諗住去搵埋蘇打綠新碟麻. 點知未出…頂!!!!! 講左咁多廢話, 不如同大家介紹下隻碟, 點解一定要買呢????

黎, 睇下實物圖先!!!

fama_cd_07

fama_cd_05

∇ 小瑟拿上手, 見到只得四首歌, 其實都有D傷感, 但就好似佢地咁講, “"好多人問我哋點解咁耐唔出碟, 我想問你對上嗰次幾時買過碟, 以前出唱片就話賣幾多白金, 今日我出碟你問我要做定幾多帛金""的確依家做歌真係唔知做來做咩?? 其實做一首歌可以好平, 好多YOUTUBER一個人一枝結他已經可以攪掂, 但出得碟既歌, 其實平極都幾萬蚊一首, 你話, 賣幾多先搵得返?? 況且依家都冇人買流行曲唱片的, 所以依家已經發展成只可以出EP, 再過多2-3年, 唔好話EP, 我諗正式會出一隻EP既可能性都……………唉 @@!

fama_cd_08

∇ 好多人都會覺得農夫既歌係後生仔先識欣賞, 但其實…..歌既野有分年齡架咩????

fama_cd_02

fama_cd_03

fama_cd_04

∇ 呢首《全新派台作品》小瑟第一次聽已經覺得好正, 尤其小瑟其實都幾鐘意聽RAP既野的, 由Eminem, 到香港當年陳冠J的《Please Steal This Album》我都好鐘意, 仲記得第一次認識農夫係TBB一個深夜的音樂節目(當年仲有的, 專請D新人上去唱下歌的, 咩名就唔記得了!!), 佢地二個好似係唱LIVE的, 當年唱咩就唔記得了, 只記得佢地D歌詞寫得好好, 好過引同另小瑟投入到, 幾好喎, 之後就一直都有聽下佢地既歌同訪問, 不過去到撳錢果排就冇咩再留意, 可能覺得佢地好似唔多想唱歌咁啦……..直至呢首歌再出現…入面好多歌詞都真係講哂香港音樂人, 樂壇中的一些你睇我好, 其實我一D都唔好既情況, 亦有好多句歌詞真係講出小瑟既心聲, 不如我地就一同來睇下D歌詞先丫!!!

《全新派台作品》

作詞:農夫
作曲:C君
編曲:DJ Tommy.咖啡因公園(Coffee&Tea)
監製:DJ Tommy

你覺得我得嘅話 put your hands together 掌聲俾多幾嚇 好嗎

好多人問我哋點解咁耐唔出碟 我想問你對上嗰次幾時買過碟
以前出唱片就話賣幾多白金 今日我出碟你問我要做定幾多帛金

唔係話舊歌好聽啲 係新歌冇留意 就算我去唱K時都係唱狂串樂基兒
啲新歌 係喎 我冇一隻識 但係記得韓星染過髮嘅每一隻色

新人唔算多 但係邊個打邊個 我分唔清金曲喎 但係我一隻都冇聽過
年尾頒獎禮噏得出歌名都算唔錯 跟住唱到幾句應該頒個獎俾我

其實啲樂迷係咪咁諗 我唔係好關心 你有你好聲音 我有我好天真
唔洗話俾人聽我係歌手咖 只要我哋仲有全新派台作品

你覺得我得嘅話 put your hands together
樂壇幾難行 都需要撐 就係爭你爭你爭你爭你一齊玩
人人實唱到 大家一齊嚟 La Do Re Mi Fa So ( La~~~~ )

有人話歌手要拍劇 拍劇先入屋 歌影視都十足 咁先至多人十卜
但係我哋好老套 唔識諗咁多promo  淨係相信嗰套 叫做 好歌有好報

有人話做首歌要聽到錢聲 我話你俾錢我做歌已經係嫌錢腥
我冇嘢驚咖 戶口跌過落雙位數 就算出碟冇人買咪最多自己鑲喺度

好多人叫 我哋做國語歌 可惜我識嘅國語唔多
又希望廣東歌可以代代相傳 真係打得嘅話 南拳都可以北傳

好多歌手要你支持 怕你愛得太遲 等你加入樂壇等到去葡萄成熟時
你贈我興奮 我贈你聲音 你贈我幾廿蚊 我贈你全新派台作品

你覺得我得嘅話 put your hands together
樂壇幾難行 都需要撐 就係爭你爭你爭你爭你一齊玩
人人實唱到 大家一齊嚟 La Do Re Mi Fa So ( La~~~~ )

開嚟 大吉大利 百無禁忌
我哋老細叫我爭氣 俾啲掌聲啦淨係爭你
屬乜嘢生肖唔洗迴避 我有下巴雙腳掂地
個樂壇仲未死 俾啲掌聲啦淨係爭你

大家一齊嚟啦 你都一齊嚟啦

fama_cd_09

∇ 之後第二首就係《好彩分手》, 呢首真係失戀歌中的新態度, 依家仲需要唔開心因為失戀嗎?? 陸永, C君, 一個客氣的分析你知不需要傷心, 一個老實不客氣地幫你出一口氣, 唔洗同佢客氣, 一於X爆佢, 呢首歌真係正到爆, 小瑟就好岩聽勒, 唔知你地又點睇呢????

《好彩分手》

作曲:C君
填詞:農夫
編曲:DJ Tommy
監製:DJ Tommy

喂 唔駛咁愁喎朋友 一段感情梗有佢完既時候架
佢肯同你分手 你應該走夾唔抖喇
咁既人都有 簡直係禽獸 我明架
你能夠忍既都忍夠 你等佢變
佢冇理過你感受 佢洗你錢
佢cut你線 佢落你面
你對佢仁至義盡啦 佢仲想你點?
記住今日佢飛你係佢唔識貨
呢種人你咪當從來無識過
你只係信錯衰人一個
咪唔信愛情係會有好結果

你個ex擺明係賤人 係廢人
你咪為佢費神 你當為己為人
你有冇聽聞得饒人處且饒人
佢仲喺instagram處寫條文
你話佢扮咩 扮咩受害者
佢話佢比你仲傷 其實你係你俾佢中傷
呢啲咪趟著都要中槍 邊有人分手趙完仲唱
人生流流長 總會遇到幾條XX(*個人覺得呢度應該仲有二隻字係要出的XDDDD)

好彩諗起嗰一次你有分手
最委屈既你受夠 冇分手會有排你受
終於搵到嗰一對美滿雙手
你開心到冇朋友 最初玩你既人等天收

係 我知你未放得低
但係呢個人冇資格影響你一世
喊啦 即管喊出黎
少少眼淚 咪當交少少學費
你唔想拍拖拍到似上戰場
但係佢次次傷害你既方法都唔一樣
講大話佢太擅長 朋友你太善良
你點對人 唔等於人地會點對你
學識呢個道理 獲益既係你自己
或者呢段感情係有啲苦澀味
不過你應該慶幸 呢個人冇同你走到結尾

你個ex擺明呢一生呢一世
你都會憎佢做既一切 你後悔同佢一齊
正所謂自古人生誰冇死
其實你想佢嗰日早啲嚟
你仲要扮咩 扮咩偉大啫
根本佢就係有史以嚟 呢個人淨係識愛自己
分咗手仲要講你是非 邊有人一衰衰到貼地
人生流流長 總有人唔洗原諒

好彩諗起嗰一次你有分手
最委屈既你受夠 冇分手會有排你受
終於搵到嗰一對美滿雙手
你開心到冇朋友 最初玩你既人等天收

嗱 好彩分手 洗乜怕醜
嗱 佢講出口 即刻拍手
嗱 你轉身走 洗乜深究
嗱 你放心有最尾完美既邂逅

fama_cd_10

∇ 呢首我諗唔好話我地呢輩, 我諗我老豆果脫人都聽岩聽, 尤其聽返歌詞中講 歌神SAM HUI當年教大家係香港地的做人道理, 同香港仔精神, 係幾十年後既今日, 竟然已經變成ON居同傻仔既香港, 究竟係咩原因另到香港變成咁?? 係人定係???? 我唔知, 不過香港的確唔係我地細個既香港, 呢首SAM哥就正正講左好多時代變遷左既野, 不如大家都來睇睇佢地既歌詞係幾咁中POINT先啦!!!

《Sam 歌 (Featuring 咖啡因公園)》

作曲:C君
填詞:農夫
編曲:DJ Tommy / 咖啡因公園
監製:DJ Tommy
當初聽Sam哥既歌教我做人 點知家陣好似都唔係咁諗
再冇鐵塔凌雲 邊有人肯沉默是金 日本娃娃冇咁流行

我細細個 阿爸晚晚猛播Sam哥既歌我聽咗太多 但係到我大個 同一套見解而家乜都變曬
以前話 沉默是金 我驚我轉頭俾人鬧鑊甘 你話笑罵由人 因為真永是真 而家唔出聲啲人會好易憎你就真 
沉默唔係有胸襟 沉默唔代表中肯 尋日先俾人話我唔夠勇敢
你話過 咪移民 咪去外國做二等公民 而家每年多幾千人好兇狠心諗梗係爭住鬆人
唔係啲生意佬去外國進軍 係啲小市民對呢度冇信心 學生哥 好溫功課 而家學生多 更多功課
驚輸在起跑線 童年得考試同測驗 贏咗學分 輸咗童真 Sam哥都估唔到個世界會變成咁

當初聽Sam哥既歌教我做人
點知家陣好似都唔係咁諗
再冇鐵塔凌雲 邊有人肯沉默是金
日本娃娃冇咁流行

鍾意聽歌都聽過Sam哥既歌 今日再encore 都覺得正喎
係時代已經變咗 定係嗰一個香港已經唔見咗

仲邊有財神到 搵錢要依正路 拿拿聲走去搵嘢做 就買到樓嗰個莫大毛
而家要搵錢要博大霧 太正路聽訓馬路 

你今日冇 將來都冇 想買個窗檯都要靠父母 現實唔理想 咪索性講理想唔玩半斤八兩
唔怕波士癲過雞 因為好多時係d人炒老細 講真 身邊人仲邊有你講既香港心

鐵塔凌雲 只係奇聞 個個放假都plan去旅行 除左流感就係遊行 冇香港人想留多陣 歌神 有冇可能帶我返番去你以前嗰陣

當初聽Sam哥既歌教我做人
點知家陣好似都唔係咁諗
再冇鐵塔凌雲 邊有人肯沉默是金
日本娃娃冇咁流行

嗰陣沉默是金 家陣誰還未發聲音
嗰陣冇時莫強求 家陣時時有訴求
嗰陣日本娃娃 家陣gam sa ham ni da
嗰陣半斤八兩 家陣要搵理想
嗰陣十個女仔 家陣港女咪制
嗰陣搵錢依正路 家陣有錢好霸道
嗰陣做人要識do 家陣做人要識do do

fama_cd_06

買唱片是對音樂人的一種支持方式?

以前買碟係想聽歌, 依家聽歌真係唔需要買碟先聽到, 太多方法聽到你想要既歌了, 所以買唱片已經係變得多餘同無謂既東西, 的而且確, 如果我係手機上一開就已經聽到既歌, 我買隻碟來其實都係RIP一次再放係屋企NAS度聽, 咁究竟我買碟來做咩呢??? 呢個問題我諗除左我之外, 好多朋友都一定有同一樣既諗法, 雖然話買碟係對歌手既一種支持, 但買碟又要搵位放, 買完又唔會囉出來聽, 係咪真係就咁當支持下個歌手就有動力去買碟呢???? 小瑟相信8成人都會選擇係返手機聽就可以了, 而得返果2成人, 可能就係我呢D想有實物在手睇下內頁, 又可以係屋企以喇叭來聽歌的人先會再有興趣買碟了…..不過如果你問我, 我真係好想所有歌手都同TAYLOR SWIFT一樣, 係都唔放歌上串流平台, 你要聽咩? 一係YOUTUBE聽, 一係就買隻碟來聽囉.

fama_cd_01

 

 

分享文章網址: https://goo.gl/POACZb