【Music76 優唱實力派】Vincy泳兒….新與舊交織的發燒碟大碟 – 鏡像

五月 17, 2016

認識 Vincy 有三年時間喇,每一次都係因為佢推出新發燒碟而合作,今次都唔例外,我哋又因為佢嘅新發燒碟《鏡像》而再次有機會同佢做訪問,不過今次非常唔同,因為小瑟三年來今次先認識真正嘅Vincy….

三年以來首次認識真正的"泳兒"

嚟到第三年,我哋挑選咗一個觀塘的工廈主題場地同泳兒做訪問。雖然見咗都三年,但老實講其實小瑟之前一直都對真正嘅泳兒唔太熟悉,因為一見面就係分享會。上年喺我哋嘅 76-FriendClub 做訪問時, Vincy 轉咗個一頭金髮嘅新形象,雖然性感非常,但就少咗一份親切感,仲令小瑟有啲高攀不起嘅感覺….. 今年我哋嘅Music76正式開台,有個新節目叫【優唱實力派】,我哋就問問 Vincy會唔會喺節目中同大家唱首歌呢??? 點知 Vincy第一時間就話 “唱歌當然冇問題啦,我都不知幾鐘意唱LIVE!! " 就係因為佢呢份爽朗嘅回應,小瑟都開始大膽同 Vincy 真係當朋友傾計咁暢談新碟,同埋佢入行十年嘅心態事。

vincy_interview_2016_01

vincy_interview_2016_02    vincy_interview_2016_03

vincy_interview_2016_06

原來 Vincy竟然是"阿驚"???

既然小瑟大膽咗,啲問題開始冇跟稿問嘞。先知道原來 Vincy喺 “反轉腦朋友"套卡通片入面非常鐘意戲內嘅"阿驚"呢個角色,呢刻小瑟真係估唔到一向以為好 COOL嘅Vincy,原來心目中一直都好似戲中 “阿驚" 咁,樣樣都好擔心, 樣樣都好驚,但做娛樂圈又點可以驚呢??? 點都要頂硬上啦,呢個心情小瑟非常明白。其實我每次做分享會、體驗會、或者同歌手們做訪問時,都係非常緊張㗎,話唔驚就絕對係呃人嘅!! 不過我又係一樣唔可以驚,唯有頂硬上啦…..!!!知道咗佢份人其實都幾"阿驚"之後,小瑟對 Vincy嘅認識就更多嘞,更加覺得佢好努力咁唱歌。喺訪問當日嘅唱歌環節中,雖然大家都見到 Vincy 係一 Take過完成,但其實結他手 REX 都因為緊張而試咗三個 Take。喺三次的演繹中,Vincy依然保持到一樣嘅水準,而且越唱越有勁,亦都係因為現場睇到佢努力嘅表演,小瑟就非常非常之鐘意佢依家呢首《我的情書》嘞!!!!

【Music76 玩樂樂壇 Live 推介】泳兒 – 我的情書

【Music76 玩樂樂壇 Live 推介】泳兒 – 四不像

 

vincy_interview_2016_05

vincy_interview_2016_04

會員率先參加【Music76 x 泳兒靚聲專輯《鏡像》Live音樂分享會】

我哋Music76開台後嘅第一個音樂分享會,又點可以冇Live嘅原素在內呢??? 2016年5月25日星期三晚約定大家,喺『灣仔杜老誌道 5 號 The Tonno Club 』嚟一場Vincy現場 Live嘅新碟分享會,場中除咗有Vincy同埋佢嘅新碟監製 Alvin Leong、徐浩、HiFi 德(德哥)大談製作點滴之外,Vincy仲會聯同Live Band 唱出大碟歌曲!! 呢個機會真係千載難逢,想喺咁近距離聽到 Vincy演唱嘅實力,唔好講咁多!! 快啲 CLICK入下面網址報名參加啦!! 場地座位有限,額滿即止㗎喇!!!!

報名帖 : http://goo.gl/4drghD (需先登記成 Post76 會員) 

↓↓ 睇下 Vincy泳兒 同大家講咩呢??

 

vincy_interview_2016_07

鳴謝場地 : CAVE – 自由hea地 Your CAVE Your Life / Music76音樂伙伴 : 陳雋良@RMP 音樂監製

post76-post_01

分享文章網址: https://goo.gl/dY9rD0