一張充滿愛的發燒唱片 – 韋綺姍《綺麗人生》CD聽感分享

九月 12, 2016

上星期無聊聽到港台有個訪問, 咁岩就係韋綺姍(Rita)做緊一個節目的訪問, 聽到佢講岩岩出左隻新發燒唱片名為《綺麗人生》, 而當中就聽到一個令小瑟幾感動的故事….就係因為呢個故事激起左小瑟對 Rita 呢隻新大碟的興趣, 入手支持一下. 之後小瑟亦大膽地試試同唱片公司要求找來 Rita 同我地 Post76 的網友做個訪問, 難得唱片公司即時應承小瑟, 還在訪問其間幫小瑟親筆簽名在大碟封面上, 咁都未算正, 最正就係我地斗膽地邀請 Rita 同我地 Post76 來一個 Live Show分享會, 佢竟然一口應承, 呢下真的令小瑟非常感動呢. (詳情明天推出!!)

rita_interview_01

rita_cdreview_01_EDIT

rita_cdreview_02

多年前的約定 今年終於成真……

其實 Rita 一家都係音樂之家呢點相信大家都知道, 而 Rita 的細佬 Junior 都是音樂人, 更早在多年前已制作不少發燒唱片. 本來早已同 Rita 講好大家聚首再出一隻發燒唱片的, 但不幸年前 Junior突然因病離世, 所以發燒碟一事就不了了之……!! 但後來 Rita 在九龍城行街時偶遇杜自持先生(當然佢地其實一早已經認識啦), 大家講開又講之下, Rita 決定重新啟動同佢細佬發燒碟之夢, 就係咁, 呢隻【綺麗人生】就係呢個機緣下終於有機會同大家見面呢!!!

rita_cdreview_05

買實體碟就係希望有書仔睇

講返隻唱片先, 廿多年沒出碟的 Rita 今次推出的大碟絕無半點求其, 上文同大家提到的 杜自持 先生擔當今次大碟的 “編曲", “錄音" 和 “監製", 更找來林子祥(阿Lam)助陣, 阿Lam更同 Rita合唱片三首歌咁多, 最多人討論的一定係同埋 Rita 囡囡 黃芮琳一同合唱的 【三人行】啦, 唱完中文版, Lam哥仲即興地話不如唱埋三人行的英文版 The Unicorn Song啦……非常難得呢.

 

∇ 今次大碟是由 Sonorous Music Limited 制作的, 其實「韋綺姍」要出唱片, 要唱片公司支持絕對唔難, 但因為 Rita 希望今次大碟可以按自己的想法去創作, 所以最終決定自資去完成呢次的計劃.

rita_cdreview_04

rita_cdreview_06

∇ 細看唱片背面, 原來今次 Rita 大碟的錄音室就係 AVON Record Studio, 又一香港名牌呢!!!

rita_cdreview_07

∇ 買唱片最好的福利當然就係可以拿本書仔來睇下啦, 第一頁就見到 Rita 同大家分享左今次出唱片的心情呢. 之後就當然係今次制作唱片時的點點滴滴啦!!!

rita_cdreview_08

rita_cdreview_09

∇ 唱片中的唯一一張同女女「黃芮琳」的合照, 話時話, 小瑟都係第一次見佢女女的照片, 又同佢真係幾似樣架喎~!!!

rita_cdreview_10

rita_cdreview_11

rita_cdreview_12

rita_cdreview_13

rita_cdreview_14

首聽推介《HAPPY》

今次大碟有11首歌咁多, 其中小瑟最鐘意的竟然係佢地囡囡合唱的《HAPPY》, 一來節拍強勁, 尤其一開首的 Bass 結他 Solo, 再來 Rita 的自信歌聲都為呢首《HAPPY》加分不少, 而歌曲中雖然是快歌而且節拍咁強勁都好, 在HiFi錄音的幫助下, 就算剃瑟在家中"炸"哂機都好, 都可以每粒音都清晰聽到同感受得到果份喜悅感. 唯一小瑟覺得唔係咁好我就係 Rita 同佢囡囡 Natasha 之間真係分唔到邊個唱緊邊段, 佢地二個把聲太似勒, 真係聽左五次都分唔到呢!!~_~

次聽推介《THE UNICORN SONG》

另外當然一定要講的就是《三人行》的英文版本《THE UNICORN SONG》中文版大家就聽得多, 英文版本的三人行大家又聽過未呢?? 呢個版本都係由 Lam哥, Rita, Natasha三個人一同合唱的, 雖然音樂方面同中文版本係一樣, 不過歌詞轉成英文又會比人多一份輕鬆, 舒服的感覺, 尤其係 Lam哥一唱呢下, 真係唔識講, 唱片的收音正到好似"睇"到Lam哥的口形咁, 唔知係咪佢地三個都係鬼鬼地的性格, 佢地唱英文一歌詞的 S 尾音真係好鬼正斗的呢!!!

rita_cdreview_03

估唔到聽聽下真係幾好聽呢!!

除了上面提及的二首推介之外, Rita仲有翻唱自己經典歌《女人夢》及《跪在大門後》, 當然仲會有唱到其他經典作品, 好似《SWAY》、《繾綣星光下》、《沒有你還是愛你》等。而同 Lam哥合唱的《沿途有你》仲係網上已經有 MV收睇. 而唱片的制作及編曲方面有發燒級監製「杜自持」主理,在音樂的變化方面十分之多元化, 小瑟由頭到尾聽左隻碟多次, 每首歌都會有其編曲的特色及的樂器的安排上可以用連綿不絕, 扣人心弦來形容, 絕對唔會係好似早年的發燒碟中一味以「少樂器, 玩人聲」來取悅一眾發燒友(雖然小瑟只係小小樂迷一名, 器材絕不發燒). 而另小瑟非常期待一見其現場演繹的就一定係 Rita囡囡 Natasha, 千萬唔好誤會小瑟想睇靚女, 雖然 Natasha都非常靚女, 但佢一首《COLORS OF THE WIND》小瑟真係好想現場睇下呢位年紀輕輕的小妮子點解可以有一幅同佢媽咪一樣咁雄厚的嗓子!!!

rita_cdreview_15

post76-post_01

分享文章網址: https://goo.gl/6AG8gi